展期：2023年6月23日至7月2日(10天)
時間：上午9:00至下午5:30
展場：寶蓮禪寺、天壇大佛、大佛公園(天壇大佛前地壇)
費用：全免
內容：寶禪禪寺內外合共展出4,000盆荷花，約400個品種，主要來自南京、武漢。當中有數十品種約600盆的睡蓮，泰國睡蓮向以顏色多變聞名，展覽中部分睡蓮由泰國駐香港總領事館贊助展出。
聯合主辦：寶蓮禪寺、香港園藝學會、星島新聞集團
協辦單位：南京池杉湖濕地公園、南天佛國文教基金、德之齋書院
支持單位：民政及青年事務局、香港旅遊發展局
贊助單位：泰國駐香港總領事館
詳情：https://buddhaland.org.hk/
=====================
寶蓮禪寺與香港園藝學會、星島新聞集團等，於本月底合辦「盛世荷花·福佑香江」2023香港荷花展，屆時會展出400個品種、近4000盆荷花，包括顏色鮮艷多變嘅泰國睡蓮。費用全免！
今次係寶蓮禪寺首次舉辦荷花展，場地包括寶蓮禪寺、天壇大佛及大佛公園，屆時展出近4000盆荷花，約400個品種，主要來自南京、武漢，其中有約600盆睡蓮。泰國睡蓮以顏色鮮艷多變聞名，部份由泰國駐香港總領事館贊助，機會難得！
花展會喺本月23日至7月2日舉行，雖然展期得10日，但之前嘅籌備工作歷時2年，大會要先喺寶蓮禪寺特闢20000呎位置，作為後勤種植基地，並陸續買入40噸塘泥、5000株種藕。之後寶蓮禪寺法師同義工，就開展前期工作，包括打碎塘泥、分類種藕、為花盆及種藕編號、喺花盆放入塘泥、放水、插名牌等！
花展期間，現場仲有連串豐富教育及文娛節目，例如荷花插花示範講座及工作坊、荷花書畫展及荷花繪畫工作坊、花道藝展、茶席表演、荷文化展覽、荷花食療講座、學童繪畫比賽、攝影比賽等，等巿民親身體味荷花代表嘅中國傳統文化。想知多啲活動詳情，可以瀏覽網頁（https://buddhaland.org.hk/）。