呢幾日濕到咁，連牆角都滲水，好多人都會放一啲吸濕用品，但呢啲多數都係化學用品，都會破壞環境，如果屋企有小朋友，不慎食咗仲好危險㖭。
其實，坊間有好多吸濕用品都好天然㗎，例如清潔好幫手「梳打粉」，因為佢有吸濕功能，只需要放一碗梳打粉喺牆角或暗角位，就可以吸去空氣同牆身嘅水氣。梳打粉吸濕後會結成一塊，所以一兩個月要換新嘅梳打粉。
除咗梳打粉，另一個環保吸濕物品就係粗鹽，喺碗上放粗鹽，擺喺水槽、牆角等等，都可以達到吸濕效果，而且用得耐咗，只要經陽光曬乾，就可以重複使用。
若果屋企真係太濕，滋生咗霉菌，其實都可以搵梳打粉幫手，將白醋溝啲梳打粉，就可清除鋅盆、浴室廚房膠邊、雪櫃膠邊嘅霉菌。