客廳是一家靈魂，絕唔可以喺拜年時在鄉親父老面前咁失禮，環保無毒打掃法絕對幫到大家，既可令家居清潔之餘，亦無損個人健康！
1.將半杯檸檬汁混進3杯水內，可有效清潔木器家具；
2.要清潔皮具及梳化，可將3茶匙的橄欖油，加入1茶匙的拔蘭地酒和1個檸檬用濕布抹，即時煥然一新；
3.至鞋櫃異味，可將咖啡渣或梳打粉放入鞋內清除異味；
4.皮鞋表面，可將鹽撒於鞋內除臭及用香蕉皮內側擦皮鞋，亦可清潔皮面；
5.最難打理的地氈原來亦可輕易保養，方法就喺在地氈上撒滿梳打粉，30分鐘後用吸塵機清理即可。
==============================
廁所萬年污積 話咁易一Q清
（資料來源：蘋果日報 28-01-2014）
除咗廚房客廳，要清除廁所嘅陳年污漬亦最考工夫及最花體力。市面有好多強力除污清潔劑，佢哋殺菌去漬勁，但不小心使用可能傷及肌膚，甚至發生危險。其實只要利用簡單材料就可以輕輕鬆鬆清潔，環保又化算！
1. 將粗鹽混入米醋可用作清洗廁所，有消毒及除臭作用；
2. 洗手盆可用牙膏輕易洗擦污跡；
3. 至於浴室瓷磚就可以將梳打粉加入半桶水清潔，
4. 浴室鏡子則可用報紙濕水擦拭，唔講唔知報紙油墨去污原來超有效。
==============================
雪櫃味好難聞 茶葉幫你吸晒佢
（資料來源：蘋果日報 28-01-2014）
年廿八「洗邋遢」，傳統會在今日清理居室大掃除 ，迎接農曆新年來臨。除了執拾整齊及掃塵外，家中的雪櫃亦應該清潔一下，因為雪櫃平日逼滿各式食品，混雜一起會傳出陣陣異味，其實都幾難聞。不過只要花點心機，就可以將雪櫃變得煥然一新。
雪櫃是存放食物的地方，不宜用化學清潔劑，以免污染食物，平時每隔兩星期應用清水洗抹，但若太過污糟的話，可用濕布沾上檸檬汁或白醋過水洗；另外，雪櫃門的膠邊亦有機會發霉，可嘗試用牙膏擦拭，再用清水抹淨。
至於如何僻走難聞異味，可用長身的膠樽剪成短身，中間放茶葉後蓋回樽頭部份，細樽口才易吸走臭味，將其放於雪櫃角落，兩星期更換一次。
==============================
麵粉唔止整嘢食 吸油去污佢都識
（資料來源：蘋果日報 28-01-2014）
抽油煙機家家戶戶都有，每日煮飯都會積存油污，日子耐了，油污便越積越厚，過年想有一把新淨的抽氣煙機，大家可以試試以下辦法。
1. 準備麵粉，你無睇錯，唔係叫你整過年食品，其實麵粉可以吸走油份，將麵粉灑在積滿油污的抽氣扇葉上；
2.跟住用熱布用力擦拭，令污垢擦走後，就可用清潔劑清洗。
==============================
清水加檸檬汁 微波爐異味ByeBye
（資料來源：蘋果日報 28-01-2014）
微波爐你實識點用，但係點樣清潔相信唔係個個識。其實用微波爐加熱食物時，食物的湯汁經常會濺出，如果沒有立即清理，日子久了會產生異味，而且汁液乾了亦較難清理。
首先可用一碗白醋加水稀釋，放入微波爐內開啟2分鐘，讓蒸氣軟化爐內油污，即可用乾布輕鬆抹除油污。
至於去除異味，用一杯水加檸檬汁，放入加熱2分鐘，就可去除異味；又或將喝完的茶葉或咖啡渣用碗盛載，再放入微波爐內過夜，第二日取出，也可僻除異味。